|
|
Neishec en Aguilar de Campoo (Paléncia), eth 14 d’agost de 1955. Ei licenciada en Dret e Istòria Contemporanèa pera Universitat de Barcelona (1972-1977). Comence era sua carrèra professionau en 1977 coma avocada laboralista ena UGT de Catalonha. A compdar de 1984 e enquiath 2000 ei inspectora de Trabalh e Seguretat Sociau. Enter 1989 e 1991 exercís de conselhèra adjunta de Dret deth Trabalh e Relacions Laboraus en Burèu Regionau dera OIT entara America Latina e eth Carib, en Lima (Peró). Posteriorament, siguec conselhèra Laborau e d'Ahèrs Sociaus des ambaissades d’Espanha en Veneçuèla, Colòmbia e era Republica Dominicana (1994-1997). De retorn tà Catalonha, en an 1997, siguec professora associada de Dret Laborau ena Facultat de Dret dera Universitat Pompeu Fabra. De 2001 a 2004 exercís de magistrada dera orde jurisdiccionau sociau en jutjat sociau de Barcelona. Eth 20 de gèr de 2004 ei nomentada directora generau de Relacions Laboraus deth Departament de Trabalh e Industria, lòc qu'aucupe enquia noveme de 2006. Ei conselhèra deth Departament de Trabalh a compdar deth 29 noveme de 2006. |
