Entà acabar aguest conjunt de recomanacions, se considère important prepausar era possibilitat de dispausar ena empresa d´ua guida d´estil que recuelhe toti es acòrds sus es critèris adoptats respècte as qüestions de localizacion d´un site en diuèrses lengües.
Era guida d´estil ei un document damb instruccions especifiques sus diferenti aspèctes der estil d´un site web. Pòt èster util entar administrador de web enes casi que seguissen:
Entà coordinar dus o mès administradors de webs que participen ena creacion, arrevirada e actualizacion deth site web.
Entà qu´es administradors de webs poguen proporcionar aguesta guida as collaboradors dera elaboracion deth site web e auer era seguretat qu´er estil serà corrècte e coerent.
Entà evitar es discordances lingüistiques enter es versions d'un mateish web.
Era guida d’estil poderie includir es qüestions que se presenten ara seguida. Es decisions sus cada qüestion son prenudes pera empresa en fonccion des sòns interèssi.
Qüestions tecniques:
Instruccions sus era estructura des directoris e des archius
Instruccions sus era gestion des archius
Esturments de creacion d´un site web
Qüestions de format:
Informacion sus eth format e eth dessenh qu´er administrador de webs considère que cau includir en un document de consulta dera empresa
Estils de títols, paragrafs, listes, enumeracions, etc.
Qüestions lingüistiques:
Registre de lengua deth site (formau, informau, dirècte, sofisticat, etc.)
Estils de traduccion des diferenti elements dera pagina: botons, menús, nòms des enlaci, tèxte des grafics, etc.
Listat des acronims e abreviacions que son presents en tèxte originau e qu´es traductors dilhèu non saben a qué hèn referéncia.
Formes d’exprimir es quantitats (unitats de mesura, monedes, etc.)
Usatge de majuscules e minuscules
Critèris de ponctuacion
Glossari des mots que son presents en web
etc.
Qüestions d’adaptacion culturau:
Determinar qué cau hèr damb era informacion sus es contactes (telefons e adreces), es prètzi, es aufèrtes, grafics localizats (drapèus, fotografies de lòcs concrèts, etc.) que s´agen d´arrevirar en diferenti lengües.
Recursi de consultes lingüistiques en catalan:
Eth servici de consulta en linha gratuït deth Termcat (www.termcat.cat)
